Егор Ефимович Уляшев

1919–1941 

Уроженец с. Вольдино.

В армию призван 11 сентября 1939 г., рядовой.

Погиб летом 1941 г. в районе г. Черновцы.

«Книга памяти Республики Коми», том 3, стр. 285

Бать-мамсö Ёгорлысь мыждӧмаӧсь сыысь, мый абу пырӧмаӧсь колхозö.

Ёгорöс Парась чойыс нуöма Троицко-Печорскö Микайлö Вася ичиньыс дорö. Сэнi сiйö и уджалöма войнаöдз.

Босьтöмаöсь финскöй война вылö 1939-öд вося сентябр 11-öд лунö, а сэсся гортас абу и удитлöма волыны, Отечественнöйыд заводитчöма да.

Кöн мый воюйтöма, ог тöд, но Парась чойыслы волöма письмö, кыкысь пö нин ранитчылi, кыкысь госпитальын куйлi, а коймöдысь кö дойма, верма и не воны.

Медводдза списокас, обелиск вылас, абу гижлöмаöсь, да Парась чойыс ёна и öбижайтчис волiгас. Сы бöрын дыр корсьысис Иван Никитьевич Уляшев, сиктсöветöн сэкся веськöдлысь, «Паметь Книгаö» да обелискö содтöм могысь. Волiс Троицко-Печорсксянь эскӧдӧм, мый воюйтöма Украинаын, усьöма Черновцы кар дорын геройскöй сьмертöн. Извещениеыс волöма чойясыслы: Парасьлы, Марьялы да Насталы. Вöлi  Ёгорлöн и Öлексей вок, кодi олiс Уллянаын. Егор Ефимовичлöн семья эз вöв.

Чойясыс век кöсйисны вайны гортас мусӧ Украинасьыс, но эз артмы, а öнi, войнаыд мунö да, дерт нин, оз ло.

                                     М.Д. Расова