|
Дмитрий Васильевич Пантелеев 1912–?
На Великую Отечественную войну призван Троицко-Печорским РВК в декабре 1942 г., рядовой. Демобилизован в 1945 г.
«Книга памяти Республики Коми», том 6, стр. 538
Дмитрий Васильевич Пантелеев – рядовой, беспартийный. Участвовал в боевых действиях запасного полка 28-й танковой дивизии 3-го танкового Котельниковского Краснознамённого корпуса. Принимал участие в освобождении 17 городов и населённых пунктов. Имеет 9 благодарностей и благодарственных писем, ордена и медали: орден Красной Звезды (№053717); медали «За оборону Сталинграда» (№ 10727), «За боевые заслуги» (№1761366), «За победу над Германией в Великой Отечественной войне 1941-1945 гг.» (№ 19411945), «За освобождение г. Борисова и Котельниково», «За освобождение г. Минска» (03.07.1944), «За освобождение г. Вильно» (13.07.1944); 5 наград за взятие западных городов от 27.04.1945, 30.04.1945, 01.05.1945, 02.05.1945, 03.05.1945; Благодарность Сталина (из карточки учёта участника боевых действий по защите СССР). Казьтылö ветеран Дмитрий Васильевич Пантелеев чужлiс Удора районса Устьево сиктын. Öнi олö-вылö Кулӧмдін районса Вöльдiн сиктын. Дмитрий Васильевич сiйö поколениеысь, кодлы усис пай Великöй Отечественнöй война воясö дорйыны Рöдинаöс врагысь. Войнаыс сiйöс суис Троицко-Печорскöй районын, ылi сиктын, кöнi сiйö уджалiс вöр контора бердын сплав кузя мастерöн. Пантелеевöс эз пыр босьтны фронт вылö. Колö вöлi мöдöдны Нарьян-Марö колана грузъясöн тыра пуръяс да баржаяс. Война заводитчöмсянь кык тöлысь мысти фронт вылö мöдöдöм йылысь сылысь корöмсö могмöдöны. Веськалiс Ленинградскöй фронт вылö, зенитнöй полкö. Танi жö и медводдзаысь ранитчис. Куим тöлысь бурдöдчöм мысти первой мöдöдiсны кавалерийскöй эскадронö, а сэсся 1942 вося декабрь помын сiйö 75 морт лыдын веськалiс танкöвöй корпуса автоматчикъяслöн отдельнöй ротаö. Корпуснас командуйтiс Сöветскöй Союзса Герой генерал-майор Вовченко. – Кöнi медся сьöкыд, сэтчö и мöдöдлiсны миянлысь прорывнöй корпуснымöс: Степнöй, 2-ӧд да 3-öд Украинскöй, 3-öд Белорусскöй фронтъяс вылö, – казьтылö ветеран. – Частö аслам ёртъяскöд ветлывлi «языкла». Ротаса командирöн вöлi старшöй лейтенант Гришаев. Помнита старшина Кирилл Никитич Воронинöс, ленинградец Сашкаöс, корпусысь разведкаса начальник подполковник Немченовöс, ротнöй пöвар Андрей Гондарöс. Этшаöн колим ловъяöн, а кутшöм зонъяс вöлiны! Мöдысь ранитчис Пантелеев Сталинград дорын. Танi жö сiйöс наградитiсны «За боевые заслуги» медальöн. А Краснöй звезда орденöн наградитiсны нин Восточнöй Пруссияын. – А вöлi тайö тадзи, – висьталö Дмитрий Васильевич, – корис миянöс разведкаса начальникöс вежысь майор Зеленов да сувтöдiс мог: тöдмавны неылын сулалысь ичöтик сиктысь, абу-ö сэнi фашистъяс. Пырим сиктас войвывсянь. Некод эз тыдав. Сöветуйтчыштiм Сашакöд да решитiм: кыкнаннымлы пырны öпаснö. Саша неуна сёрнитыштiс немецкöйöн. Сiйö и пырис. Колис неуна кад, и зон петiс стöрöжкöд. Фашистъяс абуöсь. Та йылысь ми юöртiм командованиелы. Сiйö сиктас и сувтöдöма вöлi корпуссö шойччыны. Час мысти объявитiсны воздушнöй тревога: кык «мессер» кутiсны лыйлыны миянöс. Километр джынсянь кымын лыйлiсны тшöтш куим «тигр». Немченов корис автоматчикъясöс да сетiс приказ: корсьны фашистъяслысь рация. Ми котöртiм керкаысь керкаö. Аддзам: пукалöны миян формаа лейтенант да нёль фрау, юöны. А мöд комнатаас рация дорын пукалö немец. Лыйла рация кузя. Взорвитчис, а менö взрывнöй волнаöн шыбитiс комнатаысь, – помалö ассьыс висьтсö Дмитрий Васильевич. Вöвлöм фронтовик тшöкыда волывлö школаö пионеръяс дорö. «Зэв рад, мый кöсъянныд тöдны миян радейтана Рöдинаöс дорйысьяс йылысь. Окотапырысь вочавидза тiян юалöмъяс вылö», – шуö сiйö аддзысьлiгъяс дырйи. Ассьыс сёрнисö помалiгöн Дмитрий Васильевич корö ёнджыка тышкасьны мир вöсна, видзны сiйöс выль войнаысь. П. Уляшева, Вöльдiн школаысь краеведческöй уджöн веськöдлысь, «Парма гор» газетысь |
