Пекар Ёгор

Егор Афанасьевич Шомысов чужлic 1927-ӧд вося март 10-ӧд лунӧ Помӧсдiн районса Скӧрӧдумын уна челядя семьяын. Вит класс и помалic. Сэсся уджалic колхозын. Босьтicны армияӧ. Вӧрӧгкӧд тышкасис Ленинград дорын. Ёна доймавлic, кынтавлic кокъяссӧ.

Чужанiнас бергӧдчӧм бӧрын новлӧдлic почта Помӧсдiнсянь Немдiнӧ да Кулӧмдiнӧ. Сэсся уджалic связистӧн, нюжӧдiс телефон провод.

1958-ӧд воын семьянас овмӧдчис Дiасёръяын. Ия Андреевна гӧтырыскӧд дыр кад пӧжалicны нянь. Асьныс лӧсьӧдлicны пес, вaялicны ва. Нянь шом гудралicны ки помысь. Ӧнӧдз на айловӧс казьтывлӧны кыдзи Пекар Ёгорӧс.

Егор Афанасьевич велӧдчис Ухтаын электромонтёрӧ. Посёлокын уджалic электростанцияын. Сэки 12 час войын кусӧдлicны би да ӧзтылicны водз асылын. Вӧлi зарни кияса. Мавтӧм лампаясысь вӧчлic гирлянда, мед мичмӧдны выль вося коз. Сяммис вӧчны и ва шонтанъяс.

Семьяыс пыр олic скӧтӧн, видзисны мӧс. Видзьяс матiгӧгӧрын эз вӧвны да турун пуктыны кайлicны Югыдтыдорланьӧ Вӧль ю кузя 64 километра ылнаӧ.

Гӧтырыскӧд чужтiсны да быдтiсны нёль челядьӧс. Егор Афанасьевич кувсис 1968-ӧд вося март 25-ӧд лунӧ.

Нина ШАТОХИНА.

Дiасёръя.

Парма гор, 2019, Май 4 лун (18 №).