Алексей Семёнович Игнатов

 1905–11.1944

Уроженец с. Вольдино. На Великую Отечественную войну призван Усть-Куломским РВК 11 марта 1944 г.,  рядовой.

Пропал без вести в ноябре 1944 г.

«Книга памяти Республики Коми», том 3, стр. 175

 Война сувтiгӧн мам-бать олiсны Расъю базаын. Бать вöлi охотоведöн, кыйсис и прöмыс примитiс. Мам пусис-пöжасис, чышкис-мыськис контора да öтувъя оланiн, песласис кыйсьысьяслы, вӧдитіс пывсян, ломталіс пачьяс, видзис мӧс, чередитіс 5 нылöс.

Мем вöлi 11 арöс нин, да война сувтöмсö, войнакадся олöмсö и уджсö бура нин помнита. Война öзъян воас и нуисны батьöс. Колим ми – мам, ӧкмыс арöса Диана, сизима Сима, куима Маша, арöса Роза да ме. Быдсяма сьöкыдсö и кöдзыдсö, тшыгсö и висьöмсö лоис терпитны.

Бать воис гортӧ  бурдӧдчыны чорыда ранитчöм бöрын. Кутiс уджавны сиктсöветын секретарöн да налöгöвöй агентöн, уджыштiс и сельпоын, но семьясö Расъю базаысь босьтны эз вермы. Батьöс корисны кольччыны Кулöмдiнö (Игнат рöд ставыс грамотнöйöсь вöлiны), но кор воис выль пöвестка, бать бöр муніс фронт вылö, кöть кокыс эз на бурд, веж ор на петiс.

Мунöм бöрас öти письмö и волiс. Вошис батьным кутшöмкö тыш мунан ыб вылö. Ас пыддиыс колис пузчужöм Ленукöс.

   Магдалина Алексеевна Уляшева

Материал предоставлен Вольдинской библиотекой